Олон улсын иргэний нисэхийн байгууллага (ICAO) болон Бүгд Найрамдах Солонгос Улс (БНСУ)-ын Засгийн газрын хооронд байгуулсан санамж бичгийн хүрээнд ICAO-ийн гишүүн улс орнуудаас БНСУ-д 5-14 хоногийн 11 нэр төрлийн тэтгэлэгт сургалтад хамруулах сонгон шалгаруулалтыг БНСУ-ын засгийн газраас зарласны дагуу эдгээр сургалтад хамрагдах хүсэлтэй горилогчийг ИНЕГ-аас нэгдсэн журмаар тодорхойлж, сонгон шалгаруулалтад оролцох боломжийг олгох зорилгоор та бүхэнд энэхүү зарыг хүргүүлж байна.

Тэтгэлэгт хөтөлбөрийн нөхцөл болон тавигдах шаардлага:

Сонгон шалгаруулалтад хамрагдах хүсэлт гаргагчдад тавигдах ерөнхий шаардлага:

• ИНЕГ, ИНҮТ болон түүний салбар нэгжийн ажилтан байх.
• Тэтгэлэгт хөтөлбөрийн сургалтын агуулга таны ажлын байрны тодорхойлолтод нийцсэн байх.
• Англи хэлний дунд ба түүнээс дээш түвшний мэдлэгтэй байх (TOEFL/IELTS, бусад олон улсын магадлан итгэмжлэгдсэн хэлний шалгалтын хүчин төгөлдөр оноотой бол дүйцүүлэн тооцож болох ба албан ёсны оноогүй бол НСТ-д ерөнхий англи хэлний түвшин тогтоох шалгалт өгөх боломжтой).
• Анкетад тусгагдсан эрүүл мэндийн шалгуур хангасан байх.
• Хавсралтад тусгагдсаны дагуу тухайн сургалт тус бүрийн суралцагчдад тавигдах шаардлагыг хангасан байх.
• Сүүлийн 3 жилийн хугацаанд ИНЕГ-аас тодорхойлж тэтгэлэгт сургалтад хамрагдаагүй байх.

Бүрдүүлэх материал:

• Хавсаргасан сонгон шалгаруулалтын анкетыг бөглөх.
• Тухайн сургалтад хамрагдах шаардлагатайг тодорхойлсон салбар, нэгжийн албан тоот.
• Иргэний үнэмлэхийн хуулбар /E-Mongolia-аас авах/.
• Хавсаргасан эрүүл мэндийн үзлэгийн хуудсыг эмнэлгийн байгууллагын ерөнхий эмчээр гарын үсэг зуруулан, тамга тэмдэг даруулсан байна.

Сонгон шалгаруулалтын материал хүлээн авах хугацаа:

Сонгон шалгаруулалтад хамрагдах хүсэлт гаргагчдын материалыг дээрх хүснэгтэд дурдсан хугацаанд Нисэхийн сургалтын төвийн 205 тоот өрөөнд хүлээн авна. Ирүүлсэн материалд тухайн сургалтын суралцагчид тавигдсан шалгуурын дагуу сонгон шалгаруулалт хийж, удирдлагад танилцуулна.

Асууж тодруулах зүйл байвал zoljargal.a@mcaa.gov.mn болон ажлын өдрүүдэд, ажлын цагаар 71283314, 88644600 утсаар холбогдон мэдээлэл авна уу.