ИНҮТ-ийн Хамтын ажиллагааны газраас зохион байгуулдаг ээлжит "Мэдээллийн цаг" өнөөдөр Буянт-Ухаа олон улсын нисэх буудлын хурлын танхимд боллоо. Энэ удаад Sonne/Зонне шүдний эмнэлгийн эмч нар хүрэлцэн ирж, амны хөндийн эрүүл мэндийн талаар сургалт орлоо.
Сургалтын үеэр хүүхдийн сүүн шүднээс эхлээд томчууд шүдээ хэрхэн зөв арчлах, амны хөндийн өвчлөлөөс урьдчилан сэргийлэх болон шүд, амны хөндийн эрүүл мэндийн үйлчилгээний талаар дэлгэрэнгүй мэдээлэл өгч ажиллалаа. Мөн ажилтнуудад мэргэжлийн шүдний эмчийн үнэ төлбөргүй үзлэг хийн, зөвлөгөө өгсөн юм.
