Иргэний нисэхийн үндэсний төв Нэгдсэн менежментийн тогтолцооны олон улсын 5 стандартын хүрээнд ISO 9001:2015 гэрчилгээг үргэлжүүлэн эзэмшихээр боллоо.
ИНҮТ зохион байгуулалтын нэгжийн үйл ажиллагаанд 2023 оны 6 дугаар сарын 08-наас 09-ний өдрүүдэд Нэгдсэн менежментийн тогтолцооны /Чанарын менежментийн тогтолцоо ISO 9001:2015/ Магадлах аудит-1 буюу гэрчилгээг баталгаажуулах аудитыг "Монсертф" ХХК-иас 3 аудиторын бүрэлдэхүүнтэй хийж гүйцэтгэн, аудитын үр дүнг танилцууллаа. Аудитын дүгнэлт том болон жижиг үл тохиролгүй, 4 давуу тал, 6 сайжруулах боломж, 6 анхаарах хэсэгтэй гарсан байна. "Монсертф" ХХК-иас удахгүй аудитын тайланг албан бичгээр ирүүлэхээ мэдэгджээ.
