Нэгж хувьцаагаа 1285 төгрөгөөр үнэлж буй Голомт банк өнөөдөр “Буянт-Ухаа” Олон улсын нисэх буудалд иргэний нисэхийн салбарынханд үнэт цаасны танилцуулгаа хийлээ.
Тус банк нийтэд 10,09 хувиа санал болгож буй бөгөөд 103 тэрбум төгрөг татан төвлөрүүлэхээр тооцож буй юм. Олон нийтээс татан төвлөрүүлэх хөрөнгөөр Голомт банк өөрийн хөрөнгөө нэмэгдүүлснээр жижиг дунд бизнесийн зээл, байгаль орчинд ээлтэй ногоон зээл болон орон сууцны зээлийн багцын хэмжээг 800 орчим тэрбум төгрөгөөр өсгөх боломжийг бүрдүүлж, санхүүгийн хүртээмжийг нэмэгдүүлэхэд зарцуулахаар төлөвлөжээ.
Хувьцааны захиалгыг 2022 оны 11 дүгээр сарын 23-наас 30-ны өдрүүдэд бүх үнэт цаасны компаниудаар авах юм байна.
