БНХАУ хилийн хатуу хоригоо үргэлжлүүлж, Япон Улс хилээрээ нэвтрэх хязгаарлалтаа сулруулснаар 2022 онд Ази, Номхон далайн бүс нутаг нь агаарын тээвэрлэлтээрээ дэлхийд нэгдүгээрт ордог байр сууриа алдаж эхэлж байна.
Цар тахлаас өмнөх хэдэн жилийн турш агаарын тээврийн зах зээлд тэргүүлж байсан Ази, Номхон далайн бүс нутаг агаарын тээврээр зорчигчийн тоогоороо Европын дараа, Хойд Америктай харьцуулж болохуйц түвшинд хоёрдугаарт орно гэж тооцоолж байна. ACI-ийн Ази, Номхон далайн бүсийн хамгийн сүүлийн үеийн урьдчилсан мэдээгээр 2022 оны эцэс гэхэд зорчигчдын урсгал цар тахлын өмнөх үеийнхтэй харьцуулахад ердөө 55 хувиар нэмэгдсэн нь 70, 80 хувьтай байгаа бусад бүс нутгуудаас харьцангуй доогуур үзүүлэлттэй харагдаж байна. Ази Номхон далайн бүс нутагт 2019 онд агаарын тээврээр 3,38 тэрбум зорчигч зорчсон нь дэлхийн 9,16 тэрбум зорчигчийн 37 хувийг эзэлж байна. Тус бүс нутгийн агаарын тээврийн энэхүү гайхамшигтай өсөлтийн дараа 2020 онд COVID-19 цар тахал салбарыг сүйрүүлсэн. Тус бүс нутагт 2020 онд ердөө 1.57 тэрбум зорчигч бүртгэгдсэн нь дэлхий даяар тахлын улмаас үүссэн хязгаарлалтын улмаас агаарын тээвэрлэлт урьд өмнө байгаагүйгээр уналтад орж 53 хувиар буурсан. Гэсэн хэдий ч Ази-Номхон далайн бүс нутаг дэлхийн 3.6 тэрбум зорчигчийн 1.57 тэрбум зорчигч буюу 44 хувийг тээвэрлэн агаарын тээвэрлэлтийн эзлэх хувийг давамгайлж байна. Дотоодын хэд хэдэн томоохон зах зээлтэй бүс нутаг нь агаарын тээврийн хөдөлгөөнд тэсвэртэй байдлын баталгаа болж чадсан. Ази, Номхон далайн бүс нутгаар 2021 онд 1.50 тэрбум зорчигч агаарын тээврээр зорчсон нь 2020 онтой харьцуулахад бага зэрэг буурсан ч дэлхийн 4.6 тэрбум зорчигчийн 33 хувийг эзэлсэн тэргүүлэгч бүс нутаг хэвээр байна. Хэдийгээр ACI-ийн хамгийн сүүлийн үеийн таамаглалаар 2022 онд 22 хувиар өснө гэж таамаглаж байгаа ч Ази, Номхон далайн бүс нутгийн зорчигч тээврийн эзлэх хувь дэлхийн хэмжээнд хоёрдугаарт орж, 1.84 тэрбум зорчигч тээвэрлэх тооцоо гарсан нь 45 хувиар буурсан байна.
Олон Улсын Нисэх Буудлуудын Ази, Номхон далайн бүсийн ерөнхий захирал Стефано Барончи “Агаарын тээвэрлэлтийн тоог нэмэгдүүлэхийн тулд бүх улсууд хилээ нээлттэй байлгах хэрэгтэй бөгөөд тэгээгүй тохиолдолд бүс нутгийн агаарын тээвэрлэлт 2019 оны түвшинд хүртлээ бүрэн сэргэж чадахгүйд хүрнэ. Бүс нутгийн агаарын тээвэрлэлтэд хамгийн их хувь нэмэр оруулагч Хятад, Япон улсууд аялал жуулчлалын болон COVID-ийн хязгаарлалтыг маш удаашралтай цуцлаж байна. Улс орнууд эрүүл мэндийн тогтолцоондоо аливаа сөрөг үр дагавар учруулахгүйгээр агаарын тээврийн сэргэлтийг илүү тогтвортой байдлаар нэгдсэн арга хэмжээ авахыг уриалж байна. Эдийн засгийн сэргэлтийг хурдасгахын тулд ялангуяа макро эдийн засгийн нөхцөл байдал улам бүр хүндэрч байгаатай холбогдуулан аж үйлдвэр, засгийн газрын бүхэл бүтэн дэмжлэг шаардлагатай болно. ACI Ази-Номхон далайн бүс нутаг дахь салбарыг хэвийн сэргээхийн тулд бүх хязгаарлалтыг арилгаж, аялал жуулчлалын эрхийг сэргээхийг Японы Ерөнхий сайдад шаардсан захидалд ACI World and World Travel & Tourism Council (WTTC) хамтран гарын үсэг зурсан. Цар тахлын үед иргэдийн аюулгүй орчныг хангах, олон улсын агаарын тээврийн хязгаарлалтыг үе шаттайгаар хөнгөвчлөх Японы Засгийн газрын хүчин чармайлтыг өндрөөр үнэлж, гурван байгууллага Засгийн газраас аж үйлдвэрийн сэргэлтийг эрчимжүүлэх, тэр дундаа агаарын тээврийн үйл ажиллагааг сэргээхэд шаардлагатай арга хэмжээ авахыг уриалсан. Япон улстай ийм гэрээ байгуулсан улс орнуудад визний хөнгөлөлт үзүүлэх, Зүүн Европ дахь геополитикийн тогтворгүй байдал, улмаар инфляцийн өндөр түвшин, эрчим хүчний үнийн өсөлт зэрэг дэлхийн макро эдийн засагт үзүүлэх нөлөөллүүдийн эсрэг тэмцэж байгаа эдийн засагтай холбоотойгоор энэхүү шинэчлэлийг онцгой яаралтай гэж үзэж байна. Эдгээр бүх гадаад хүчин зүйлүүд нь нийлүүлэлтийн гинжин хэлхээг тасалдуулж, салбарын сэргэлтэд сөргөөр нөлөөлж байна. Засгийн газар эдийн засгаа сэргээх, аялал жуулчлалыг идэвхижүүлэхийн тулд хязгаарлалтыг цуцлах талаар хэлэлцэж байгаа эерэг шинж тэмдгүүд Япон улсад гарч байгаа бөгөөд энэ нь тус салбарт илүү их ашиг тусаа өгөх болно. Бид ойрын ирээдүйд эерэг үр дүн гарна гэж найдаж байна" хэмээн мэдэгджээ.
