“Нисэх дартс” зөвлөлөөс иргэний нисэхийн салбарын 2024 оны цомын аварга шалгаруулах “Нисэх дартс супер лиг” тэмцээнийг Нисэхийн спорт цогцолборт  амжилттай зохион байгууллаа.

Тэмцээнд шилдэг 32 эрэгтэй, 16 эмэгтэй нийт 48 тамирчин оролцож, оны аваргуудаа тодрууллаа. Эрэгтэйчүүдээс Олон улсын хэмжээний мастер Т.Дүүрэнжаргал/НУБИЭ/, эмэгтэйүүдээс Б.Туяа/НХНАА/ тэргүүлж, цомын эзэн боллоо. Удаах байруудад эрэгтэйчүүдээс Б.Эрдэнэпил/НУБИЭ/, Б.Элбэг/НХНАА/,  Д.Эрдэнэсайхан/МИАТ/, эмэгтэйчүүдээс С.Энхзул/НУТА/, Б.Батгэрэл/НЖЗШНА/, Э.Сүнжидмаа/НУБИЭ/ нар шалгарч өргөмжлөл, медаль, мөнгөн шагнал хүртлээ.

Мөн тус тэмцээний хамгийн олон удаа 180 оноо хийсэн тамирчнаар Б.Насанжаргал/НХНАА/ 3 удаа, хамгийн өндөр гараатай тамирчнаар Э.Дөлгөөн/НУБИЭ/ 119 онооноос, хамгийн цөөн сумаар гарсан тамирчнаар Э.Ууганбаяр/НМҮА/ 17 сумаар, дундаж оноо хамгийн өндөр тамирчнаар Т.Дүүрэнжаргал/НУБИЭ/ 71,8 оноотойгоор тус тус шалгарсан байна.

Тэмцээнийг ИНҮТ-ийн Хамтын ажиллагааны хэлтсийн дарга Р.Амарбаясгалан 1 сая төгрөгөөр ивээн тэтгэж, “Нисэх дартс супер лиг”-ийн анхны тэмцээний шилдгүүдийг  урамшуулжээ.