CANSO академи нь Иргэний нисэхийн агаарын навигацийн үйлчилгээний байгууллага  (CANSO)-ын боловсролын платформ бөгөөд нисэхийн салбарын мэргэжилтнүүд, тэр дундаа агаарын навигацийн үйлчилгээ, нислэгийн  хөдөлгөөний зохицуулалт (ATM)-ын чиглэлийн ажилтнуудад зориулсан цахим сургалт, вебинар, мэдлэг солилцох уулзалтуудыг зохион байгуулдаг.

Тус академи нь нислэгийн хөдөлгөөний зохицуулалт (АТМ)-ын шилдэг туршлага, шинэ технологи, зохицуулалтын талаар ойлголт өгөхийн зэрэгцээ аюулгүй ажиллагааны зохицуулалт, үйл ажиллагааны үр ашиг, кибер аюулгүй байдал, нисгэгчгүй агаарын хөлгийн системийн хөдөлгөөний зохицуулалт (UTM), тогтвортой нисэх практик зэрэг сэдвүүдээр нисэхийн чадварлаг мэргэжилтнүүд вебинар, семинаруудыг удирдан нийтэд шууд хүргэдэг байна.

Иргэний нисэхийн агаарын навигацийн үйлчилгээний байгууллага (CANSO)-аас хүргэдэг тус үнэ төлбөргүй вебинаруудад CANSO-ийн гишүүн байгууллагуудаас цахимаар бүртгүүлж оролцох боломжтой. Мөн өмнө нь цацагдсан вебинаруудын дүрс бичлэгийг CANSO-ийн албан ёсны цахим хуудаснаас үзэж болдог билээ.