Бүгд Найрамдах Солонгос Улс, Бүгд Найрамдах Сингапур Улсын засгийн газрууд болон Арабын Нэгдсэн Эмират Улсын Иргэний нисэхийн ерөнхий газраас 2024 онд нисэхийн аюулгүй байдал, нисэхийн аюулгүйн хамгаалалт, хүний нөөц, нисэх буудал, техник технологи, нислэгийн хөдөлгөөний удирдлага зэрэг 12 төрлийн 55 богино хугацааны тэтгэлэг, 1 магистрийн хөтөлбөрийн тэтгэлгийг 2024-2025 онд зарласан юм.
Богино хугацааны тэтгэлэгт 9 сургалтад 19 ажилтан материал ирүүлсэн бөгөөд үүнээс 11 ажилтан ИНЕГ-аас шалгарч, 4 ажилтан тэтгэлэгт сургалтын сонгон шалгаруулалтад тэнцсэн.
Магистрийн тэтгэлэгт сургалтын хөтөлбөр буюу Бүгд Найрамдах Солонгос Улс болон тус улсын Сансар судлалын их сургууль (Korean Aerospace University) хамтран хөгжиж буй орнуудад зориулсан магистрийн тэтгэлэгт хөтөлбөр зарласны дагуу нийт 4 ажилтан материал ирүүлж, 1 ажилтан шалгаруулалтад тэнцжээ.
