ИНЕГ-ын НААХЗА-ны Агаарын навигацийн хяналтын хэлтэс нь ИНД-171 “Агаарын навигаци техникийн үйлчилгээний байгууллагын гэрчилгээжүүлэлт” дүрмийн хүрээнд гэрчилгээжүүлэх аудит, шалгалтыг хийж гүйцэтгэсний дагуу ИНҮТ-д Агаарын навигацийн техник үйлчилгээний байгууллагын гэрчилгээг 6 сарын хугацаатай олголоо. Ингэснээр гэрчилгээ эзэмшигч нь ИНД-171 хүрээнд Холбоо, навигаци, ажиглалтын үйлчилгээг цаашид эрхлэх болж байна.

Мөн ИНД-175 “Нисэхийн мэдээллийн үйлчилгээний байгууллагын гэрчилгээжүүлэлт” дүрмийн хүрээнд Иргэний нисэхийн үндэсний төвийг гэрчилгээжүүлэх аудитыг хийж гүйцэтгэсний дагуу ИНҮТ-д Нисэхийн мэдээллийн үйлчилгээний байгууллагын гэрчилгээг 6 сарын хугацаатай олголоо.

ИНД-175 дүрмээр гэрчилгээ эзэмшигч нь Монгол улсын Нислэгийн мэдээллийн бүсэд хамаарах агаарын навигацийн аюулгүй байдал, тогтмолжилт, үр ашигт шаардлагатай нисэхийн өгөгдөл болон нисэхийн мэдээллийг цуглуулах, эмхлэх, шалгах, зохицуулах, боловсруулах, хэвлэн нийтлэх, хадгалах, түгээх ажлыг хийж гүйцэтгэн, AIP-ын үйлчилгээ, NOTAM-ын үйлчилгээ Нислэгийн өмнөх мэдээллийн үйлчилгээ /PIB/, бүтээшдпэхүүнийг хэрэглэгчдэд хүргэдэг байна.