Агаарын тээврийг хялбаршуулах үйл ажиллагааг зохицуулах зөвлөлийн 2024 оны үйл ажиллагааны төлөвлөгөөний 3.2-т “Гамшгийн үед олон улсын эрэн хайх, аврах баг болон хүмүүнлэгийн тусламжийг хүлээн авах, шилжүүлэн байрлуулах арга хэмжээг нисэх буудлын үндсэн үйл ажиллагааг алдагдуулахгүй зохион байгуулах чиглэлээр штабын дадлага, сургалт зохион байгуулна” гэж заасны дагуу уг сургалтыг 2024 оны 09 дүгээр сарын 12-ны өдөр “Буянт-Ухаа” олон улсын нисэх буудалд Онцгой байдлын ерөнхий газрын алба хаагчидтай хамтран зохион байгууллаа.

Тус сургалтад Иргэний нисэхийн ерөнхий газрын даргын 2024 оны 03 дугаар сарын 03 дугаар сарын 11-ний өдрийн А/150 дугаар тушаалаар батлагдсан ИНҮТ-ийн гамшгаас хамгаалах бүрэлдэхүүн, Гаалийн ерөнхий газар, Гадаадын иргэн харьяатын газрын төлөөлөл, Хилийн цэргийн 0218 дугаар ангийн алба хаагчид оролцож, нийтийг хамарсан томоохон гамшгийн үед олон улсын эрэн хайх аврах баг, хүмүүнлэгийн тусламжийг хүлээн авах, шилжүүлэн байрлуулах үйл ажиллагааг нисэх буудлын үндсэн үйл ажиллагааг алдагдуулахгүй зохион байгуулах, үүссэн цагийн байдлын дагуу хариу арга хэмжээ төлөвлөх чиглэлээр танилцуулга, штабын хэсэгчилсэн дадлага, сургалт зохион байгууллаа.